بکھیرنے والیوں کی قسم جو اُڑا کر بکھیر دیتی ہیں

پھر آہستہ آہستہ چلتی ہیں

کہ جس چیز کا تم سے وعدہ کیا جاتا ہے وہ سچا ہے

اور آسمان کی قسم جس میں رسے ہیں

اس سے وہی پھرتا ہے جو (خدا کی طرف سے) پھیرا جائے

جو بےخبری میں بھولے ہوئے ہیں

اُس دن (ہوگا) جب ان کو آگ میں عذاب دیا جائے گا

بےشک پرہیزگار بہشتوں اور چشموں میں (عیش کر رہے) ہوں گے

رات کے تھوڑے سے حصے میں سوتے تھے

اور ان کے مال میں مانگنے والے اور نہ مانگنے والے (دونوں) کا حق ہوتا تھا

اور خود تمہارے نفوس میں تو کیا تم دیکھتے نہیں؟

تو آسمانوں اور زمین کے مالک کی قسم! یہ (اسی طرح) قابل یقین ہے جس طرح تم بات کرتے ہو

جب وہ ان کے پاس آئے تو سلام کہا۔ انہوں نے بھی (جواب میں) سلام کہا (دیکھا تو) ایسے لوگ کہ نہ جان نہ پہچان

(اور کھانے کے لئے) ان کے آگے رکھ دیا۔ کہنے لگے کہ آپ تناول کیوں نہیں کرتے؟

تو ابراہیمؑ کی بیوی چلاّتی آئی اور اپنا منہ پیٹ کر کہنے لگی کہ (اے ہے ایک تو) بڑھیا اور (دوسرے) بانجھ

ابراہیمؑ نے کہا کہ فرشتو! تمہارا مدعا کیا ہے؟

تاکہ ان پر کھنگر برسائیں

تو وہاں جتنے مومن تھے ان کو ہم نے نکال لیا

اور جو لوگ عذاب الیم سے ڈرتے ہیں ان کے لئے وہاں نشانی چھوڑ دی

تو اس نے اپنی جماعت (کے گھمنڈ) پر منہ موڑ لیا اور کہنے لگا یہ تو جادوگر ہے یا دیوانہ

اور عاد (کی قوم کے حال) میں بھی (نشانی ہے) جب ہم نے ان پر نامبارک ہوا چلائی

اور (قوم) ثمود (کے حال) میں (نشانی ہے) جب ان سے کہا گیا کہ ایک وقت تک فائدہ اٹھالو

پھر وہ نہ تو اُٹھنے کی طاقت رکھتے تھے اور نہ مقابلہ ہی کرسکتے تھے

اور آسمانوں کو ہم ہی نے ہاتھوں سے بنایا اور ہم کو سب مقدور ہے

اور ہر چیز کی ہم نے دو قسمیں بنائیں تاکہ تم نصیحت پکڑو

اور خدا کے ساتھ کسی اَور کو معبود نہ بناؤ۔ میں اس کی طرف سے تم کو صریح رستہ بتانے والا ہوں

کیا یہ کہ ایک دوسرے کو اسی بات کی وصیت کرتے آئے ہیں بلکہ یہ شریر لوگ ہیں

اور نصیحت کرتے رہو کہ نصیحت مومنوں کو نفع دیتی ہے

میں ان سے طالب رزق نہیں اور نہ یہ چاہتا ہوں کہ مجھے (کھانا) کھلائیں

کچھ شک نہیں کہ ان ظالموں کے لئے بھی (عذاب کی) نوبت مقرر ہے جس طرح ان کے ساتھیوں کی نوبت تھی تو ان کو مجھ سے (عذاب) جلدی نہیں طلب کرنا چاہیئے